សេវាកម្មបរធនបាល គឺជាសេវាកម្មចម្បងរបស់ ក្រុមហ៊ុន កាណា ត្រាស។ រចនាសម្ព័ន្ធ បរធនបាលកិច្ចដែលត្រូវបានគ្រប់គ្រងប្រកបដោយវិជ្ជាជីវៈនេះ ផ្តល់ជូនវិនិយោគិនជាពិសេសជនបរទេសនៅក្នុងប្រទេសកម្ពុជា នូវដំណោះស្រាយដែលមានសុវត្ថិភាពនិងអនុលោមតាមបទប្បញ្ញត្តិ ដើម្បីធ្វើការវិនិយោគ ឬកាន់កាប់ភាពជាម្ចាស់កម្មសិទ្ធិលើ អចលនទ្រព្យនៅក្នុង ប្រទេសកម្ពុជា។
តាមរយៈសេវាកម្មបរធនបាលនេះ អតិថិជនអាចតែងតាំង ក្រុមហ៊ុន កាណា ត្រាស ឱ្យកាន់កាប់ និងគ្រប់គ្រងទ្រព្យសម្បត្តិក្រោមការ កំណត់ជាបរធនបាលកិច្ចពាណិជ្ជកម្ម។ ក្នុងនាមជាក្រុមហ៊ុនបរធនបាល ក្រុមហ៊ុន កាណា ត្រាស មានភារកិច្ច ថែរក្សាទ្រព្យ សម្បត្តិជំនួសជូនអតិថិជន ព្រមទាំងធានាថាបរធនត្រូវបានគ្រប់គ្រង និងចាត់ចែងដើម្បីជាប្រយោជន៍របស់អតិថិជន។
ឧទាហរណ៍៖
លោក Zhang គឺជាជនបរទេសម្នាក់។ យោងតាមច្បាប់នៃព្រះរាជាណាចក្រកម្ពុជា ជនបរទេសមិនត្រូវបានអនុញ្ញាតឱ្យមានកម្មសិទ្ធិលើដីធ្លីនៅក្នុងប្រទេសកម្ពុជាឡើយ (លើកលែងតែកម្មសិទ្ធិលើអគារចាប់ពីជាន់ទី១ ឡើងទៅ)។
ដំណោះស្រាយ៖ ក្រុមហ៊ុន កាណា ត្រាស (CANA TRUST) ដែលជាក្រុមហ៊ុនកម្ពុជាក្នុងស្រុកដ៏គួរឱ្យទុកចិត្តអាចកាន់កាប់អចលនទ្រព្យឲ្យលោក Zhang ដោយយោងតាមលក្ខខណ្ឌ ដែលបានព្រមព្រៀងគ្នានៅក្នុងកិច្ចព្រមព្រៀងសម្រាប់ទំនុកចិត្តឯកជន។ លោក Zhang អាចទាក់ទងក្រុមហ៊ុន កាណា ត្រាស (CANA TRUST)ដើម្បីគ្រប់គ្រងអចលនទ្រព្យ ដែលមានដូចជាការប្រមូលថ្លៃជួលពីអ្នកជួល បង់វិក័យប័ត្រទឹកភ្លើង ការលក់អចលនទ្រព្យជាដើម។
